News

S Thema luited: " Ä Nusstitscher vo dr erschte Stund-Walter Käslin" Dr Chäsli Walter isch vor hundert Jahre z Beggäried geboorä und als Lehrer, Schrifsteller, Politiker und Bruäfsberater z Nidwalde weyt ume bekannt gsi. Es isch ihm es Aalige gsi, d Muättersprach z ferdere und d Fräid am Gschichte verzelle und plodere z verbreite. Drum hed är sich sofort vo dr Idee vom Nusstitsche la aastecke! Äs gid sicher viu ubere Walter z verzelle. Seyni zeytkritische Bemerkige im Nidwaldner Volksblatt, seyni Värs, Älplerspriich, Gedicht, Fäschtspiel und Liäder hed s Volch gääre gha ( aber ai mängä Politiker und Vorderbänkler i Wuät versetzt...) Bekanntlich hed ihns dr Urs Zumbiäl als Sänger und Gitarischt underschtizt- diä beide sind zämä es grossartigs Team gsi. Stoff fir eyse Nusstitscher-Abig isch medä gnuäg vorhande. Bilder Tondokumänt und Liäder (begleited vom Max Zumbiäl) sellid eys bim Nusstitsche a Walter und a Urs erinnere. Underschtizt wärdid miär drbiä vom Werni Businger. Bisch drbiä bim Nusstitsche? We immer gilt: " D Niss bringid miär, dr Nussknacker iär"!

Ab 13. September bis Mitte Dezember servieren wir Ihnen unsere Wildspezialitäten aus einheimischer und zum Teil eigener Jagd.